( 2017-يىل 11-ئاينىڭ 22-كۈنى جۇڭخۇا خەلق جۇمھۇرىيىتى گوۋۇيۈەننىڭ 692-نومۇرلۇق پەرمانى ئېلان قىلىنغان كۈندىن باشلاپ يولغا قويۇلدى )

1-باب ئومۇمىي پىرىنسىپ

1-ماددا بۇ يولغا قويۇش تەپسىلىي قائىدىسى «جۇڭخۇا خەلق جۇمھۇرىيىتىنىڭ جاسۇسلۇققا قارشى تۇرۇش قانۇنى»( تۆۋەندە قىسقارتىلىپ «جاسۇسلۇققا قارىشى قانۇنى»دېيىلىدۇ ) غا ئاساسەن تۈزۈپ چىقىلدى.

2-ماددا دۆلەت خەۋپسىزلىكى ئورگىنى مۇشۇ تەپسىلىي قائىدىنىڭ يولغا قويۇلۇشىغا مەسئۇل بولىدۇ.

جامائەت خەۋپسىزلىكى، مەخپىيەتلىكنى ساقلاش مەمۇرىي باشقۇرۇش قاتارلىق باشقا مۇناسىۋەتلىك تارماقلار ۋە ئارمىيەنىڭ مۇناسىۋەتلىك تارماقلىرى مەسئۇلىيىتى ۋە ئىش تەقسىماتى بويىچە زىچ ماسلىشىپ، ماسلاشتۇرۇشنى كۈچەيتىپ، مۇناسىۋەتلىك خىزمەتلەرنى قانۇن بويىچە ياخشى ئىشلەيدۇ.

3-ماددا «جاسۇسلۇققا قارشى تۇرۇش قانۇنى»دا ئېيتىلغان «چېگرا سىرتىدىكى ئاپپارات، تەشكىلات»چېگرا سىرتىدىكى ئاپپاراتلار، تەشكىلاتلارنىڭ جۇڭخۇا خەلق جۇمھۇرىيىتى چېگراسى ئىچىدە تەسىس قىلغان تارماق ( ۋەكىل ) ئاپپاراتلىرى ۋە تارماق تەشكىلاتلىرىنى ئۆز ئىچىگە ئالىدۇ؛
«چېگرا سىرتىدىكى شەخسلەر»جۇڭخۇا خەلق جۇمھۇرىيىتى چېگراسى ئىچىدە ئولتۇرۇشلۇق، جۇڭخۇا خەلق جۇمھۇرىيىتىنىڭ دۆلەت تەۋەلىكىگە ئىگە بولمىغان كىشىلەرنى ئۆز ئىچىگە ئالىدۇ.

4-ماددا «جاسۇسلۇققا قارشى تۇرۇش قانۇنى»دا ئېيتىلغان «جاسۇسلۇق تەشكىلاتىنىڭ ۋاكالەتچىسى»جاسۇسلۇق تەشكىلاتى ياكى ئۇنىڭ ئەزالىرىنىڭ كۈشكۈرتۈشى، ھاۋالىسى، ياردىمىگە ئېرىشكەن، باشقىلارغا جۇڭخۇا خەلق جۇمھۇرىيىتىنىڭ دۆلەت خەۋپسىزلىكىگە خەۋپ يەتكۈزۈش ھەرىكىتى بىلەن شۇغۇللانغان ياكى يول كۆرسەتكەن، كۈشكۈرتكەن كىشىلەرنى كۆرسىتىدۇ.

جاسۇسلۇق تەشكىلاتى ۋە جاسۇسلۇق تەشكىلاتىنىڭ ۋاكالەتچىلىرىنى گوۋۇيۈەننىڭ دۆلەت خەۋپسىزلىكى مەسئۇل تارمىقى بېكىتىدۇ.

5-ماددا «جاسۇسلۇققا قارشى تۇرۇش قانۇنى»دا ئېيتىلغان «دۈشمەن تەشكىلات»جۇڭخۇا خەلق جۇمھۇرىيىتىنىڭ خەلق دېموكراتىيەسى دىكتاتۇرىلىقىدىكى ھاكىمىيەت ۋە سوتسىيالىستىك تۈزۈمگە دۈشمەن بولىدىغان، دۆلەت خەۋپسىزلىكىگە خەۋپ يەتكۈزىدىغان تەشكىلاتنى كۆرسىتىدۇ.

دۈشمەن تەشكىلاتلارنى گوۋۇيۈەننىڭ دۆلەت خەۋپسىزلىكى مەسئۇل تارمىقى ياكى گوۋۇيۈەننىڭ جامائەت خەۋپسىزلىكى تارمىقى بېكىتىدۇ.

6-ماددا «جاسۇسلۇققا قارشى تۇرۇش قانۇنى»دا ئېيتىلغان «جۇڭخۇا خەلق جۇمھۇرىيىتىنىڭ دۆلەت خەۋپسىزلىكىگە خەۋپ يەتكۈزىدىغان جاسۇسلۇق قىلمىشلىرىغا ئىقتىسادىي ياردەم بېرىش»چېگرا ئىچى-سىرتىدىكى ئاپپارات، تەشكىلات، شەخسلەرنىڭ تۆۋەندىكى قىلمىشلىرىنى كۆرسىتىدۇ :

( 1 ) جاسۇسلۇق قىلمىشى سادىر قىلغان تەشكىلات، شەخسكە خىراجەت، سورۇن ۋە ماددىي ئەشيا بەرگەنلەر؛

( 2 ) تەشكىلات، شەخسلەرگە جاسۇسلۇق قىلمىشى سادىر قىلىشقا كېتىدىغان خىراجەت، سورۇن ۋە ماددىي ئەشيا بەرگەنلەر.

7-ماددا «جاسۇسلۇققا قارشى تۇرۇش قانۇنى»دا ئېيتىلغان «تىل بىرىكتۈرۈپ»جۇڭخۇا خەلق جۇمھۇرىيىتىنىڭ دۆلەت خەۋپسىزلىكىگە خەۋپ يەتكۈزىدىغان جاسۇسلۇق قىلمىشى چېگرا ئىچى-سىرتىدىكى تەشكىلات، شەخسلەرنىڭ تۆۋەندىكى قىلمىشلىرىنى كۆرسىتىدۇ :

( 1 ) چېگرا سىرتىدىكى ئاپپارات، تەشكىلات، شەخسلەر بىلەن دۆلەت خەۋپسىزلىكىگە خەۋپ يەتكۈزىدىغان جاسۇسلۇق ھەرىكىتىنى ئورتاق پىلانلىغان ياكى ئېلىپ بارغانلار؛

( 2 ) چېگرا سىرتىدىكى ئاپپارات، تەشكىلات، شەخسلەرنىڭ ياردىمىنى ياكى كۈشكۈرتۈشىنى قوبۇل قىلىپ، دۆلەت خەۋپسىزلىكىگە خەۋپ يەتكۈزىدىغان جاسۇسلۇق ھەرىكەتلىرى بىلەن شۇغۇللانغانلار؛

( 3 ) چېگرا سىرتىدىكى ئاپپاراتلار، تەشكىلاتلار، شەخسلەر بىلەن ئالاقە ئورنىتىپ، مەدەت ۋە ياردەم ئېلىپ، دۆلەت خەۋپسىزلىكىگە خەۋپ يەتكۈزىدىغان جاسۇسلۇق ھەرىكەتلىرى بىلەن شۇغۇللانغانلار.

8-ماددا تۆۋەندىكى قىلمىشلار «جاسۇسلۇققا قارشى تۇرۇش قانۇنى»نىڭ 39-ماددىسىدا ئېيتىلغان «جاسۇسلۇق قىلمىشىدىن باشقا دۆلەت خەۋپسىزلىكىگە خەۋپ يەتكۈزىدىغان باشقا قىلمىشلار»غا تەۋە :

( 1 ) دۆلەتنى پارچىلاشقا تەشكىللىگەن، پىلانلىغان، يولغا قويغان، دۆلەتنىڭ بىرلىكىگە بۇزغۇنچىلىق قىلغان، دۆلەت ھاكىمىيىتىنى ئاغدۇرغان، سوتسىيالىستىك تۈزۈمنى ئاغدۇرغانلار؛

( 2 ) دۆلەت خەۋپسىزلىكىگە خەۋپ يەتكۈزىدىغان تېررورلۇق ھەرىكىتىنى تەشكىللىگەن، پىلانلىغان، ئېلىپ بارغانلار؛

( 3 ) پاكىت ئويدۇرۇپ، بۇرمىلاپ، دۆلەت خەۋپسىزلىكىگە خەۋپ يەتكۈزىدىغان يېزىق ياكى ئۇچۇر ئېلان قىلغان، تارقاتقانلار ياكى دۆلەت خەۋپسىزلىكىگە زىيان يەتكۈزىدىغان ئۈن-سىن بۇيۇملىرى ياكى باشقا نەشر بۇيۇملىرىنى ئىشلىگەن، تارقاتقان، نەشر قىلغانلار؛

( 4 ) ئىجتىمائىي تەشكىلات ياكى كارخانا، كەسپىي تەشكىلات قۇرۇشتىن پايدىلىنىپ دۆلەت خەۋپسىزلىكىگە خەۋپ يەتكۈزۈش ھەرىكىتى بىلەن شۇغۇللانغانلار؛

( 5 ) دىندىن پايدىلىنىپ دۆلەت خەۋپسىزلىكىگە خەۋپ يەتكۈزۈش ھەرىكىتى قىلغانلار؛

(六)组织、利用邪教进行危害国家安全活动的；

( 7 ) مىللىي ماجىرا تۇغدۇرۇپ، مىللىي بۆلگۈنچىلىككە قۇترىتىپ، دۆلەت خەۋپسىزلىكىگە خەۋپ يەتكۈزگەنلەر؛

( 8 ) چېگرا سىرتىدىكى شەخسلەردىن مۇناسىۋەتلىك بەلگىلىمىلەرگە خىلاپلىق قىلىپ، نەسىھەتنى ئاڭلىماي، چېگرا ئىچىدىكى دۆلەت خەۋپسىزلىكىگە خەۋپ يەتكۈزۈش قىلمىشى بار ياكى دۆلەت خەۋپسىزلىكىگە زىيان يەتكۈزۈش قىلمىشى بار دەپ گۇمان قىلىنغانلار ئۆز بېشىمچىلىق بىلەن كۆرۈشكەنلىرى.

2-باب دۆلەت خەۋپسىزلىكى ئورگىنىنىڭ جاسۇسلۇققا قارشى تۇرۇش خىزمىتىدىكى خىزمەت ھوقۇقى

9-ماددا چېگرا سىرتىدىكى شەخسلەر چېگرادىن كىرگەندىن كېيىن جۇڭخۇا خەلق جۇمھۇرىيىتىنىڭ دۆلەت خەۋپسىزلىكىگە خەۋپ يەتكۈزىدىغان ھەرىكەت قىلىش ئېھتىمالى بار دەپ قارالسا، گوۋۇيۈەننىڭ دۆلەت خەۋپسىزلىكى مەسئۇل تارمىقى ئۇنىڭ مەلۇم مەزگىل ئىچىدە چېگرادىن كىرىشىگە بولمايدىغانلىقىنى قارار قىلسا بولىدۇ.

10-ماددا ۋەتەنگە ئاسىيلىق قىلغان، دۆلەت خەۋپسىزلىكىگە خەۋپ يەتكۈزگەن جىنايەت گۇماندارلىرىغا قارىتا، «جاسۇسلۇققا قارشى تۇرۇش قانۇنى»نىڭ 8-ماددىسىدىكى بەلگىلىمە بويىچە، دۆلەت خەۋپسىزلىكى ئورگىنى تۇتۇش بۇيرۇقى چىقارسا، قوغلاپ تۇتسا بولىدۇ.

11-ماددا دۆلەت خەۋپسىزلىكى ئورگىنى جاسۇسلۇققا قارشى تۇرۇش خىزمىتى ۋەزىپىسىنى قانۇن بويىچە ئىجرا قىلغاندا، ئالاقىدار تەشكىلات ۋە خادىملاردىن ئالاقىدار ئەھۋاللارنى تەكشۈرۈپ سوراشقا ھوقۇقلۇق.

12-ماددا دۆلەت خەۋپسىزلىكى ئورگىنىنىڭ خادىملىرى جاسۇسلۇققا قارشى تۇرۇش خىزمىتى ۋەزىپىسىنى قانۇن بويىچە ئىجرا قىلغاندا، سالاھىيىتى ئېنىق بولمىغان، دۆلەت خەۋپسىزلىكىگە خەۋپ يەتكۈزۈش قىلمىشى بايقالغان گۇماندارلارنى بىللە ئېلىپ كەلگەن بۇيۇملىرىنى تەكشۈرسە بولىدۇ.

13-ماددا دۆلەت خەۋپسىزلىكى ئورگىنى جاسۇسلۇققا قارشى تۇرۇش خىزمىتى جىددىي ۋەزىپىسىنى ئىجرا قىلىدىغان ئاپتوموبىللارغا ئالاھىدە يول يۈرۈش بەلگىسى ۋە ساقچى چىرىغى، سىگنال ئۈسكۈنىسى سەپلىسە بولىدۇ.

14-ماددا دۆلەت خەۋپسىزلىكى ئورگىنى خادىملىرىنىڭ جاسۇسلۇققا قارشى تۇرۇش خىزمىتى ۋەزىپىسىنى قانۇن بويىچە ئىجرا قىلىش قىلمىشلىرىغا باشقا تەشكىلات ۋە شەخسلەرنىڭ قانۇنسىز ئارىلىشىشىغا بولمايدۇ.

دۆلەت خەۋپسىزلىكى ئورگىنىنىڭ خادىملىرى جاسۇسلۇققا قارشى تۇرۇش خىزمىتى ۋەزىپىسىنى قانۇن بويىچە ئىجرا قىلغاندا، دۆلەت خەۋپسىزلىكى مىنىستىرلىقىنىڭ رازۋېدكا ئىسپاتى ياكى باشقا مۇناسىپ كىنىشكىلىرىنى كۆرسىتىشى كېرەك.

دۆلەت خەۋپسىزلىكى ئورگىنى ۋە ئۇنىڭ خادىملىرى خىزمەت جەريانىدا قەتئىي قانۇن بويىچە ئىش بېجىرىشى، خىزمەت ھوقۇقىدىن ھالقىپ كەتمەسلىكى، خىزمەت ھوقۇقىدىن كەلسە-كەلمەس پايدىلانماسلىقى، تەشكىل ۋە شەخسلەرنىڭ قانۇنلۇق ھوقۇق-مەنپەئىتىگە چېقىلماسلىقى كېرەك.

3-باب پۇقرالار ۋە تەشكىلاتلارنىڭ دۆلەت خەۋپسىزلىكىنى قوغداش مەجبۇرىيىتى ۋە ھوقۇقى

15-ماددا ئورگان، تەشكىلات ۋە باشقا تەشكىلاتلار ئۆز ئورنىنىڭ خادىملىرىغا دۆلەت خەۋپسىزلىكىنى قوغداش تەربىيەسى بېرىدۇ، شۇ ئورۇننىڭ خادىملىرىنى جاسۇسلۇق قىلمىشىدىن مۇداپىئەلىنىش، ئۇنى توسۇش خىزمىتىگە سەپەرۋەر قىلىدۇ ۋە تەشكىللەيدۇ، دۆلەت خەۋپسىزلىكى ئورگىنىنىڭ ماسلاشتۇرۇشى ۋە يېتەكچىلىكىنى قوبۇل قىلىشى كېرەك.

ئورگان، كوللېكتىپ ۋە باشقا تەشكىلاتلار «جاسۇسلۇققا قارشى تۇرۇش قانۇنى»ۋە ئىنچىكە پىرىنسىپتا بەلگىلەنگەن خەۋپسىزلىك بويىچە ئالدىنى ئېلىش مەجبۇرىيىتىنى ئادا قىلمىغان، تەلەپ بويىچە تۈزەتمىگەن ياكى تۈزىتىش تەلىپىگە يەتمىگەن بولسا، دۆلەت خەۋپسىزلىكى ئورگىنى ئالاقىدار مەسئۇل كىشىلەر بىلەن كېلىشىپ قويۇپ سۆھبەتلەشسە بولىدۇ، كېلىشىپ قويۇپ سۆھبەتلىشىش ئەھۋالىنى شۇ ئورۇننىڭ يۇقىرى دەرىجىلىك مەسئۇل تارمىقىغا ئومۇمىي ئۇقتۇرۇش قىلىدۇ،
جاسۇسلۇق قىلمىشلىرىنىڭ ۋە دۆلەت خەۋپسىزلىكىگە خەۋپ يەتكۈزىدىغان باشقا قىلمىشلارنىڭ ئالدىنى ئېلىش مەسئۇلىيىتىنى ئەمەلىيلەشتۈرۈشكە تۈرتكە بولۇش.

16-ماددا تۆۋەندىكى ئەھۋاللار «جاسۇسلۇققا قارشى تۇرۇش قانۇنى»نىڭ 7-ماددىسىدا ئېيتىلغان «زور تۆھپە»كە تەۋە :

( 1 ) دۆلەت خەۋپسىزلىكى ئورگىنىغا مۇھىم يىپ ئۇچى بېرىپ، دۆلەت خەۋپسىزلىكىگە ئېغىر خەۋپ يەتكۈزىدىغان جىنايەت دېلولىرىنى بايقىغان، پاش قىلغانلار؛

( 2 ) دۆلەت خەۋپسىزلىكى ئورگىنىغا مۇھىم ئەھۋال تەمىنلەپ بېرىپ، دۆلەت خەۋپسىزلىكىگە ئېغىر خەۋپ يەتكۈزۈش قىلمىشىنىڭ ئالدىنى ئالغان، ئۇنى توسقانلار؛

( 3 ) دۆلەت خەۋپسىزلىكى ئورگىنىنىڭ دۆلەت خەۋپسىزلىكى خىزمىتى ۋەزىپىسىنى ئىجرا قىلىشىغا يېقىندىن ماسلىشىپ، ئىپادىسى گەۋدىلىك بولغانلار؛

( 4 ) دۆلەت خەۋپسىزلىكىنى قوغداش ئۈچۈن، دۆلەت خەۋپسىزلىكىگە خەۋپ يەتكۈزىدىغان جىنايەتچىلەرگە قارشى كۈرەش قىلىپ، ئىپادىسى گەۋدىلىك بولغانلار؛

( 5 ) شۇ ئورۇندىكى خادىملارغا دۆلەت خەۋپسىزلىكىگە خەۋپ يەتكۈزۈش قىلمىشىنىڭ ئالدىنى ئېلىش، ئۇنى توسۇش توغرىسىدا تەربىيە بېرىش، سەپەرۋەر قىلىش، تەشكىللەش خىزمىتىدە نەتىجىسى كۆرۈنەرلىك بولغانلار.

17-ماددا «جاسۇسلۇققا قارشى تۇرۇش قانۇنى»نىڭ 24-ماددىسىدا ئېيتىلغان «دۆلەت مەخپىيىتىگە تەۋە ھۆججەت، ماتېرىياللار ۋە باشقا بۇيۇملارنى قانۇنسىز ئىلكىدە تۇتۇش»نى كۆرسىتىدۇ :

( 1 ) دۆلەت مەخپىيىتىگە دائىر مەلۇم خادىمنىڭ شۇ دۆلەت مەخپىيىتىگە تەۋە ھۆججەت، ماتېرىيال ۋە باشقا بۇيۇملارنى ئېلىپ يۈرگەن، ساقلىمىغانلىقىنى بىلىشكە تېگىشلىك بولمىغانلار؛

( 2 ) دۆلەتنىڭ مەلۇم مەخپىيىتىنى بىلىدىغان خادىملاردىن رەسمىيەت بېجىرمەي تۇرۇپ، شۇ دۆلەت مەخپىيىتىگە تەۋە ھۆججەت، ماتېرىيال ۋە باشقا بۇيۇملارنى ئۆز ئالدىغا ئېلىپ يۈرگەنلىرى، ساقلىغانلىرى.

18-ماددا «جاسۇسلۇققا قارشى تۇرۇش قانۇنى»نىڭ 25-ماددىسىدا ئېيتىلغان «مەخسۇس جاسۇسلۇق سايمانلىرى»جاسۇسلۇق ھەرىكىتى قىلىشتا ئالاھىدە ئېھتىياجلىق تۆۋەندىكى ئۈسكۈنىلەرنى كۆرسىتىدۇ :

( 1 ) يوشۇرۇن ئوغرىلىقچە ئاڭلاش، ئوغرىلىقچە يورۇتۇش ئۈسكۈنىلىرى؛

( 2 ) تاسادىپىي قوبۇل قىلىش-تارقىتىش ئاپپاراتى، بىر قېتىملىق شىفىر دەپتىرى، مەخپىي يېزىش قورالى؛

( 3 ) ئاخباراتقا ئېرىشىشكە ئىشلىتىلىدىغان ئېلېكتىرونلۇق كۆزىتىپ ئاڭلاش، ئۈسكۈنىلەرنى يىغىش؛

( 4 ) باشقا مەخسۇس ئىشلىتىلىدىغان جاسۇسلۇق سايمانلىرى.

مەخسۇس جاسۇسلۇق سايمانلىرىنى بېكىتىشكە گوۋۇيۈەننىڭ دۆلەت خەۋپسىزلىكى مەسئۇل تارمىقى مەسئۇل بولىدۇ.

4-باب قانۇن جاۋابكارلىقى

19-ماددا دۆلەت خەۋپسىزلىكىگە خەۋپ يەتكۈزۈش قىلمىشى سادىر قىلغانلارغا ئالاقىدار تارماق قانۇن بويىچە چارە كۆرىدۇ، دۆلەت خەۋپسىزلىكى ئورگىنى ئاگاھلاندۇرۇش بەرسىمۇ بولىدۇ؛
جىنايەت شەكىللەندۈرگەنلىرى قانۇن بويىچە جىنايى جاۋابكارلىققا تارتىلىدۇ.

20-ماددا تۆۋەندىكى ئەھۋاللار «جاسۇسلۇققا قارشى تۇرۇش قانۇنى»نىڭ 27-ماددىسىدا ئېيتىلغان «خىزمەت كۆرسىتىش ئىپادىسى»گە تەۋە :

( 1 ) دۆلەت خەۋپسىزلىكىگە خەۋپ يەتكۈزىدىغان باشقا جىنايەتچىلەرنى پاش قىلغان، پاش قىلغانلارنىڭ ئەھۋالى راست بولسا؛

( 2 ) مۇھىم يىپ ئۇچى، دەلىل-ئىسپات بېرىپ، دۆلەت خەۋپسىزلىكىگە خەۋپ يەتكۈزۈش قىلمىشىنى بايقىغان ۋە توسقانلار؛

( 3 ) دۆلەت خەۋپسىزلىكى ئورگىنى، ئەدلىيە ئورگىنىغا ياردەملىشىپ، دۆلەت خەۋپسىزلىكىگە خەۋپ يەتكۈزىدىغان باشقا جىنايەتچى ئۇنسۇرلارنى تۇتقانلار؛

( 4 ) دۆلەت خەۋپسىزلىكى ئورگىنىغا ياردەملىشىپ دۆلەت خەۋپسىزلىكىنى قوغداشتا مۇھىم رول ئوينايدىغان باشقا قىلمىشلار.

«مۇھىم، زور خىزمەت كۆرسىتىش ئىپادىسى»ئالدىنقى تارماقتا كۆرسىتىلگەن خىزمەت كۆرسىتىش ئىپادىسى دائىرىسى ئىچىدە دۆلەت خەۋپسىزلىكى خىزمىتىدە ئالاھىدە مۇھىم رول ئوينايدىغانلىقىنى كۆرسىتىدۇ.

21-ماددا باشقىلارنىڭ جاسۇسلۇق قىلمىشى بارلىقىنى بىلىدىغان دەلىل-ئىسپات بولسا ياكى دۆلەت خەۋپسىزلىكى ئورگىنى باشقىلارغا دۆلەت خەۋپسىزلىكىگە خەۋپ يەتكۈزۈش جىنايى قىلمىشى بارلىقىنى ئېنىق ئۇقتۇرغاندا، دۆلەت خەۋپسىزلىكى ئورگىنى ئۇنىڭدىن ئالاقىدار ئەھۋاللارنى تەكشۈرۈپ، ئالاقىدار دەلىل-ئىسپاتلارنى توپلىغاندا، تەمىنلەشنى رەت قىلسا، «جاسۇسلۇققا قارشى تۇرۇش قانۇنى»نىڭ 29-ماددىسىدىكى بەلگىلىمە بويىچە بىر تەرەپ قىلىنىدۇ.

22-ماددا دۆلەت خەۋپسىزلىكى ئورگىنىدىن جاسۇسلۇققا قارشى تۇرۇش خىزمىتى ۋەزىپىسىنى قانۇن بويىچە ئىجرا قىلغاندا، پۇقرالار ۋە تەشكىلاتلارنىڭ قانۇن بويىچە قولايلىق شارائىت يارىتىپ بېرىش ياكى باشقا ياردەملەرنى بېرىش مەجبۇرىيىتى بار بولۇپ، تەمىنلەشنى رەت قىلىپ ياكى ياردەم بېرىشنى رەت قىلىپ، دۆلەت خەۋپسىزلىكى ئورگىنىنىڭ جاسۇسلۇققا قارىغاندا خىزمەت ۋەزىپىسىنى قانۇن بويىچە ئادا قىلىشىغا قەستەن توسقۇنلۇق قىلىش قىلمىشى شەكىللەندۈرگەنلىرىگە «جاسۇزلۇققا قارشى تۇرۇش قانۇنى»نىڭ 30-ماددىسىدىكى بەلگىلىمە بويىچە جازا بېرىلىدۇ.

23-ماددا دۆلەت خەۋپسىزلىكى ئورگىنىنىڭ جاسۇسلۇققا قارشى تۇرۇش خىزمىتى ۋەزىپىسىنى قانۇن بويىچە ئىجرا قىلىشىغا قەستەن توسقۇنلۇق قىلىپ، دۆلەت خەۋپسىزلىكى ئورگىنى خادىملىرىنىڭ جىسمانىي زىيىنى ياكى پۇل-مال زىيىنىنى كەلتۈرۈپ چىقارغانلار قانۇن بويىچە تۆلەم جاۋابكارلىقىنى ئۈستىگە ئېلىشى ھەمدە ئەدلىيە ئورگىنى ياكى دۆلەت خەۋپسىزلىكى ئورگىنى «جاسۇسلۇققا ئالدىنى ئېلىش قانۇنى»نىڭ 30-ماددىسىدىكى بەلگىلىمە بويىچە جازا بېرىدۇ.

24-ماددا دۆلەت خەۋپسىزلىكى ئورگىنى جاسۇسلۇق قىلمىشىغا چېتىشلىق كىشىلەرنى مەلۇم مۇددەت ئىچىدە چېگرادىن چىقارماسلىقنى قارار قىلسا بولىدۇ.
«جاسۇسلۇققا قارشى تۇرۇش قانۇنى»غا خىلاپلىق قىلغان چېگرا سىرتىدىكى شەخسلەرگە قارىتا، گوۋۇيۈەننىڭ دۆلەت خەۋپسىزلىكى مەسئۇل تارمىقى بەلگىلەنگەن مۇددەت ئىچىدە چېگرادىن چىقىش ياكى چېگرادىن قوغلاپ چىقىرىشنى قارار قىلسا ھەمدە ئۇلارنىڭ چېگرادىن كىرمەسلىك مۇددىتىنى قارار قىلسا بولىدۇ.
چېگرادىن قوغلاپ چىقىرىلغان چېگرا سىرتىدىكى شەخسلەرنىڭ چېگرادىن قوغلاپ چىقىرىلغان كۈندىن باشلاپ ئون يىل ئىچىدە چېگرادىن كىرىشىگە بولمايدۇ.

5-باب قوشۇمچە پىرىنسىپ

25-ماددا دۆلەت خەۋپسىزلىكى ئورگىنى، جامائەت خەۋپسىزلىكى ئورگىنى قانۇن، مەمۇرىي نىزاملار ۋە دۆلەتنىڭ مۇناسىۋەتلىك بەلگىلىمىسى بويىچە، جاسۇسلۇق قىلمىشىدىن باشقا دۆلەت خەۋپسىزلىكىگە خەۋپ يەتكۈزىدىغان باشقا قىلمىشلاردىن مۇداپىئەلىنىش، توسۇش ۋە ئۇنى جازالاش مەسئۇلىيىتىنى ئادا قىلىدۇ، مۇشۇ تەپسىلىي قائىدىدىكى مۇناسىۋەتلىك بەلگىلىمىلەر تەتبىقلىنىدۇ.

26-ماددا بۇ تەپسىلىي قائىدە ئېلان قىلىنغان كۈندىن باشلاپ يولغا قويۇلىدۇ.
1994-يىلى 6-ئاينىڭ 4-كۈنى گوۋۇيۈەن ئېلان قىلغان «جۇڭخۇا خەلق جۇمھۇرىيىتىنىڭ دۆلەت خەۋپسىزلىكى قانۇنىنى يولغا قويۇش تەپسىلىي قائىدىسى»بىرلا ۋاقىتتا بىكار قىلىنىدۇ.