( 2017-يىل 12-ئاينىڭ 27-كۈنى 12-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 31-يىغىنىدا ماقۇللاندى )

1-ماددا جۇڭخۇا خەلق جۇمھۇرىيىتى چېگراسى ئىچىدە، «جۇڭخۇا خەلق جۇمھۇرىيىتىنىڭ تاماكا مەخسۇس سېتىش قانۇنى»دىكى بەلگىلىمە بويىچە تاماكا سېتىۋالىدىغان ئورۇن تاماكا بېجى تاپشۇرغۇچى بولىدۇ.
باج تاپشۇرغۇچىلار مۇشۇ قانۇندىكى بەلگىلىمە بويىچە تاماكا بېجى تاپشۇرۇشى كېرەك.

2-ماددا بۇ قانۇندا ئېيتىلغان تاماكا تاماكا تاماكا قاقلاش، تاماكا قۇرۇتۇشنى كۆرسىتىدۇ.

3-ماددا تاماكا بېجى بويىچە باج ھېسابلاش باج تاپشۇرغۇچىنىڭ تاماكا سېتىۋالغاندا ئەمەلىي تۆلىگەن پۇل ئومۇمىي سوممىسىنى ئاساس قىلىدۇ.

4-ماددا تاماكا بېجىنىڭ باج نىسبىتى% 20 بولىدۇ.

5-ماددا تاماكا بېجىدا تاپشۇرۇشقا تېگىشلىك باج سوممىسى باج تاپشۇرغۇچىنىڭ تاماكا سېتىۋېلىپ ئەمەلىي تۆلىگەن پۇل ئومۇمىي سوممىسى باج نىسبىتىگە كۆپەيتىلىپ ھېسابلىنىدۇ.

6-ماددا تاماكا بېجىنى باج ئورگىنى مۇشۇ قانۇن ۋە «جۇڭخۇا خەلق جۇمھۇرىيىتىنىڭ باج ئېلىشنى باشقۇرۇش قانۇنى»دىكى ئالاقىدار بەلگىلىمىلەر بويىچە ئالىدۇ ۋە باشقۇرىدۇ.

7-ماددا باج تاپشۇرغۇچى تاماكا سېتىۋالغان جايدىكى مەسئۇل باج ئورگىنىغا تاماكا بېجى تاپشۇرۇشنى ئىلتىماس قىلىشى كېرەك.

8-ماددا تاماكا بېجىنىڭ باج تاپشۇرۇش مەجبۇرىيىتى ئادا قىلىنغان ۋاقىت باج تاپشۇرغۇچىلار ئۈچۈن تاماكا سېتىۋالغان كۈن بولىدۇ.

9-ماددا تاماكا بېجى ئاي بويىچە ئېلىنىدۇ، باج تاپشۇرغۇچىلار باج تاپشۇرۇش مەجبۇرىيىتى يۈز بېرىپ ئاي ئاخىرلاشقان كۈندىن باشلاپ 15 كۈن ئىچىدە ئىلتىماس قىلىشى ھەمدە باج پۇلى تاپشۇرۇشى كېرەك.

10-ماددا بۇ قانۇن 2018-يىل 7-ئاينىڭ 1-كۈنىدىن باشلاپ يولغا قويۇلىدۇ.
2006-يىل 4-ئاينىڭ 28-كۈنى گوۋۇيۈەن ئېلان قىلغان «جۇڭخۇا خەلق جۇمھۇرىيىتىنىڭ تاماكا بېجى ۋاقىتلىق نىزامى»بىرلا ۋاقىتتا بىكار قىلىنىدۇ.