چەت ئەل سودىگەرلىرى مەبلەغ سالغان كارخانىلار ۋە چەت ئەل كارخانىلىرىغا قوشۇلما قىممەت بېجى تەتبىقلىنىدۇ،

ئىستېمال بېجى، تىجارەت بېجى قاتارلىق باج يىغىش ۋاقىتلىق نىزامى توغرىسىدىكى قارار

( 1993 ـ يىلى 12 ـ ئاينىڭ 29 ـ كۈنى 8 ـ نۆۋەتلىك مەملىكەتلىك خەلق قۇرۇلتىيى دائىمىي كومىتېتى

5-يىغىندا ماقۇللاندى )

8-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 5-يىغىنى گوۋۇيۈەننىڭ چەت ئەل سودىگەرلىرى مەبلەغ سالغان كارخانىلار ۋە چەت ئەل كارخانىلىرىغا تەتبىقلىنىدىغان قوشۇلما قىممەت بېجى، ئىستېمال بېجى، تىجارەت بېجى قاتارلىق باج ۋاقىتلىق نىزاملىرىنى قاراپ چىقىشقا سۇنۇش توغرىسىدىكى تەكلىپ لايىھەسىگە قاراپ چىقتى، باج تۈزۈمىنى بىرلىككە كەلتۈرۈش، باج سېلىقىنى ئادىل قىلىش، دۆلىتىمىزنىڭ مەبلەغ سېلىش مۇھىتىنى ياخشىلاش، سوتسىيالىستىك بازار ئىگىلىكىنى بەرپا قىلىش ۋە راۋاجلاندۇرۇش ئېھتىياجىغا ئۇيغۇنلىشىش ئۈچۈن،
ئالاھىدە تۆۋەندىكىدەك قارار چىقاردۇق :

بىرىنچى، ئالاقىدار باج قانۇنلىرى تۈزۈلۈشتىن ئىلگىرى، چەت ئەل سودىگەرلىرى مەبلەغ سالغان كارخانىلار ۋە چەت ئەل كارخانىلىرىغا 1994-يىلى 1-ئاينىڭ 1-كۈنىدىن باشلاپ گوۋۇيۈەن ئېلان قىلغان قوشۇلما قىممەت بېجى ۋاقىتلىق نىزامى، ئىستېمال بېجى ۋاقىتلىق نىزامى ۋە تىجارەت بېجى ۋاقىتلىق نىزامى تەتبىقلىنىدۇ.
1958-يىل 9-ئاينىڭ 11-كۈنى مەملىكەتلىك خەلق قۇرۇلتىيى دائىمىي كومىتېتىنىڭ 101-يىغىنىدا پىرىنسىپ جەھەتتىن ماقۇللانغان، 1958-يىل 5-ئاينىڭ 13-كۈنى گوۋۇيۈەن سىناق تەرىقىسىدە يولغا قويۇشنى ئېلان قىلغان «جۇڭخۇا خەلق جۇمھۇرىيىتىنىڭ سودا-سانائەت بىرتۇتاش بېجى نىزامى ( لايىھە )»بىرلا ۋاقىتتا بىكار قىلىنىدۇ.

جۇڭگو-چەت ئەل ھەمكارلىشىپ دېڭىز-ئوكيان نېفىتى، تەبىئىي گازىنى قېزىشتا، قوشۇلما قىممەت بېجى ماددىي بۇيۇم بويىچە ئېلىنىدۇ، ئۇنىڭ باج نىسبىتى ۋە ئېلىش چارىسىنى گوۋۇيۈەن ئايرىم بەلگىلەيدۇ.

2.1993-يىلى 12-ئاينىڭ 31-كۈنىدىن بۇرۇن تەستىقلىنىپ تەسىس قىلىنغان چەت ئەل سودىگەرلىرى مەبلەغ سالغان كارخانىلار مۇشۇ قارارنىڭ 1-ماددىسىدىكى بەلگىلىمە بويىچە قوشۇلما قىممەت بېجى، ئىستېمال بېجى، تىجارەت بېجى قىلىپ ئۆزگەرتىلگەنلىكتىن باج سېلىقى ئېشىپ كەتكەن بولسا، كارخانىنىڭ ئىلتىماس قىلىشى، باج ئورگىنىنىڭ تەستىقلىشى بىلەن، تەستىقلانغان تىجارەت مۇددىتى ئىچىدە، ئەڭ ئۇزۇن بولغاندا بەش يىلدىن ئېشىپ كەتمەيدۇ،
باج سېلىقى كۆپىيىپ كەتكەنلىكتىن ئارتۇق تاپشۇرغان باج پۇلىنى قايتۇرۇش؛
تىجارەت مۇددىتى بولمىسا، كارخانىنىڭ ئىلتىماس قىلىشى، باج ئورگىنىنىڭ تەستىقلىشى بىلەن، ئەڭ ئۇزاق بولغاندا بەش يىلدىن ئېشىپ كەتمىگەن مۇددەت ئىچىدە، باج سېلىقى كۆپىيىپ كېتىش سەۋەبىدىن ئارتۇق تاپشۇرغان باج پۇلى قايتۇرۇلىدۇ.
كونكرېت چارىسىنى گوۋۇيۈەن بەلگىلەيدۇ.

3.قوشۇلما قىممەت بېجى، ئىستېمال بېجى، تىجارەت بېجىدىن باشقا باج تۈرلىرى چەت ئەل سودىگەرلىرىگە مەبلەغ سالغان كارخانىلار ۋە چەت ئەل كارخانىلىرىنى تەتبىقلاشتا، قانۇندا بەلگىلىمە بولسا، قانۇندىكى بەلگىلىمە بويىچە ئىجرا قىلىنىدۇ؛
قانۇنلاردا بەلگىلىمە چىقىرىلمىغان بولسا، گوۋۇيۈەننىڭ بەلگىلىمىسى بويىچە ئىجرا قىلىنىدۇ.

بۇ قاراردا ئېيتىلغان چەت ئەل سودىگەرلىرى مەبلەغ سالغان كارخانىلار جۇڭگو چېگراسى ئىچىدە قۇرۇلغان جۇڭگو-چەت ئەل شېرىكچىلىكىدىكى كارخانىلار، جۇڭگو-چەت دۆلەت ھەمكارلىقىدىكى كارخانىلار ۋە چەت ئەل مەبلىغى كارخانىلىرىنى كۆرسىتىدۇ.

بۇ قاراردا ئېيتىلغان چەت ئەل كارخانىسى جۇڭگو چېگراسى ئىچىدە ئاپپارات، سورۇن تەسىس قىلغان، ئىشلەپچىقىرىش، تىجارەت بىلەن شۇغۇللىنىدىغان ۋە ئاپپارات، سورۇن بەرپا قىلمىغان بولسىمۇ، جۇڭگو چېگراسى ئىچىدىن كەلگەن چەت ئەل شىركىتى، كارخانىسى ۋە باشقا ئىقتىسادىي تەشكىلاتىنى كۆرسىتىدۇ.

بۇ قارار ئېلان قىلىنغان كۈندىن باشلاپ يولغا قويۇلىدۇ.